كيف تلعب العاب الاندرويد على الويندوز بدون محاكي؟ | اكتشف أداة wsa builds الرائعة 2023
مرحبا بك في مدونة كمبيوجيمز، المدونة العربية الأولى لعشاق الألعاب والكمبيوتر. في هذه المقالة سأشارك معكم طريقة رهيبة وسهلة لتشغيل العاب الاندرويد على الويندوز بدون محاكي وباداء عالي وسرعة فائقة. هذه الطريقة تستخدم أداة wsa builds التي تسمح لك بتثبيت نظام اندرويد كامل على الكمبيوتر بشكل مستقل وتشغيل كل الالعاب والتطبيقات التي تريدها من متجر جوجل بلاي. الأداة مجانية وآمنة وسهلة الاستخدام. كما أنها تخولك استخدام الماوس والكيبورد أو أي جهاز تحكم آخر مثل الجويستيك لتلعب براحتك. ده كله بدون برامج محاكي ثقيلة أو مضروبة أو مش شغالة صح. فلو انت من عشاق الالعاب على الاندرويد وحابب تجربها على الكمبيوتر، فاتبع معي هذه الخطوات:
المتطلبات اللازمة لتشغيل جوجل بلاي
في بعض المتطلبات لازم تتأكد منها قبل ما تستخدم هذه الطريقة. المتطلبات هي:
- يكون نظام التشغيل عندك ويندوز 10 أو ويندوز 11 ويفضل أن تستخدم ويندوز 11 باخر تحديث.
- يكون الرامات عندك في الجهاز لا تقل عن 4 جيجا بايت وطبعا ده اقل حاجة. أما المستحسن فيكون الرامات عندك 8 جيجا بايت أو أكثر.
- يكون البروسيسور عندك core i3 من الجيل الثامن أو amd من نوع RAYZEN 3000 أو SNAPDRAGON 8C أو أعلى.
- يكون كارت الشاشة عندك من نوع نفيديا أو amd أو انتل ومش حيفرق خالص الموديل لأن الأداة متوافقة مع أي نوع منهم.
- يكون الهارد دسك عندك متوفر فيه مساحة فارغة على الأقل 10 جيجا بايت في بارتشن c وكمان يكون البارتشن مهئ على ntfs مش fat32.
- يكون جهاز الكمبيوتر عندك بيدعم خاصية virtualization وتكون مفعلة. كمان لازم يكون جهاز الكمبيوتر مفعل نظام bios/uefi.
أقرأ أيضا:محاكي جيم لوب game loop: الحل الأمثل لتجربة ألعاب الأندرويد على شاشة كبيرة.
ضبط اعدادات الويندوز
لازم تظبط شوية اعدادات في الويندوز قبل ما تسطب نظام الاندرويد. الخطوات سهلة وبسيطة:
ادخل على كنترول بانل واختار program وبعد كده اختار program and features ومن على اليمين اختار turn windows features on or off.
من القائمة اللي هتظهرلك، حتفعل مجموعة من الاختيارات وهي: virtual machine platform, windows hypervisor platform, windows subsystem for linux, hyper-v.
لو انت بتفعل الاختيارات دي لأول مرة، حيطلب منك ريستارت عشان يفعلها.
تنزيل وتثبيت أداة wsa builds
حنحمل الأداة من الرابط . الفكرة من الأداة باختصار أنها تثبت على جهازك أحدث إصدار من windows subsystem for android اللي هو اختصاره wsa بدون أي تعقيد. حنحمل الأداة ونفتح الملف ونضغط على فولدر اسمه run.bat. حيسطب معانا الأداة وبعد كده حيطلب منك تدخل الجيميل والباسورد بتاع جوجل بلاي. بعد ما تسجل دخولك، حتلاقي نظام الاندرويد شغال على جهازك وحتقدر تحمل وتشغل أي لعبة أو تطبيق تحبه.
أقرأ أيضا : كيف تشغل ألعاب بلاي ستيشن 1 على جهازك بجودة عالية مع DuckStation.
الخلاصة
ده كان شرح طريقة تشغيل العاب الاندرويد على الويندوز بدون محاكي وباداء عالي وسرعة فائقة. أتمنى أن تكون المقالة قد نالت إعجابكم وأفادتكم. لو عندكم أي سؤال أو استفسار، تقدروا تسيبوه في التعليقات أو تزوروا قناتي على يوتيوب [compu games] وتشوفوا الفيديو اللي عملته عن هذا الموضوع [هنا]. ولا تنسوا الإشتراك في المدونة والقناة والضغط على زر الإعجاب والمشاركة مع أصدقائكم. شكرا لكم وإلى لقاء في مقالة جديدة.